விழித்தெழு

விழித்தெழு தோழா! விழித்தெழு
உறங்கியது போதும் உயிர்த்தெழு

உன்னை சார்ந்தவர்கள் விண்ணிற்கு சென்று
ஆராய்ச்சி செய்கையில் நீ
விண்மீன்களை எண்ணிக்கொண்டிருக்கிறாய்
நிலவினில் நீராய்ச்சி செய்கையில் நீ
நிலாச் சோறு ஊட்டிக்கொண்டிருக்கிறாய்

(விழித்தெழு)

வல்லரசாக கனவு காண
சொன்னார் கலாம்
வெறும் கனவை மட்டுமே
கண்டு கொண்டிராமல் உன்
கனவினை நினைவாக்க
(விழித்தெழு)

அரசியல்வாதிகளையும் ஆன்மீகவாதிகளையும்
நம்பியிராமல் உன்னை நம்பு
உன்னில் ஒரு பொறியிருக்கும்
முதலில் அதை வெளிக்கொண்டுவா
பிறகு நீ எண்ணியது நடக்கும்
(விழித்தெழு)

உனது தோல்விகளுக்கான காரணத்தை
உன்னில் தேடு! ஒளி கிடைக்கும்!
வெற்றி உன்னைத் தேடிவரும்
எவராலும் உனை தடுக்கயியலாது
(விழித்தெழு)

வெற்றி வரும்போது மமதைகொள்ளாமல்
அடக்கத்துடன் ஏற்றுக்கொள்
அந்த அடக்கமே உனக்கு
பல வெற்றிகளை தேடித்தரும்
(விழித்தெழு)