தேர்தல் திருவிழா

எங்கள் ஊரில் திருவிழா
தேர்தல் திருவிழா

நூறு ரூபாய் பணத்திற்கோ
சில்வர் குடத்திற்கோ
எங்களை நாங்களே
அடகுவைத்துக்கொள்ளும் திருவிழா

இந்த திருவிழாவிற்கோர் சிறப்புண்டு
இறந்தவர்களும் உயிர்த்தெழுந்து கொண்டாடும்
உன்னதப் பெருவிழா
இந்தத் திருவிழா

ஐந்தாண்டுகளாய் எங்களை ஏறி
மிதித்தவர்கள் எங்கள்
கால்களில் விழுந் தெழும்
ஒரு மலர்விழா.

அன்புடன்
அரசு